Skip to content

உங்கள் கெட்ட கொழுப்பை குறைக்க சில ஆலோசனைகள்.

அதிக அளவு கெட்ட கொழுப்பு (LDL) இருப்பது தற்போது அதிகரித்து வரும் பொதுவான பிரச்சனையாகும். உங்களுக்கு அதிக அளவில் கெட்ட கொழுப்பு இருப்பது மருத்துவ பரிசோதனையில் தெரிய வந்தால், அதனை குறைப்பதற்கு நீங்களாக செய்யவேண்டிய விஷயங்கள் பல உண்டு. அவற்றுள் சில வற்றை இப்போது பார்க்கலாம்.

உங்கள் உணவினில் கட்டுப்பாடு கொண்டு வாருங்கள்.

உங்கள் உணவுப்பழக்கத்தில் செய்யப்படும் மாறுதல்கள் உங்கள் LDL அளவில் தாக்கத்தினை ஏற்படுத்தும். அதை எப்படி செய்யலாம் என்பது இங்கே தரப்பட்டுள்ளது.

செறிவுற்ற கொழுப்பு உணவினை குறைவாக எடுத்து கொள்ள வேண்டும். இவை பொதுவாக அதிக கொழுப்பு நிறைந்த பால் பொருட்கள் மற்றும் சிவப்பு இறைச்சியில் காணப்படும்.

ட்ரான்ஸ் கொழுப்புகளை குறைத்துக்கொள்ளுங்கள். இவை பெரும்பாலும், பொரிக்கப்படும் மற்றும் பேக்கரி உணவு பொருட்களில் அதிகம் இருக்கிறது. உங்கள் சமையல் எண்ணை லேபிளைப் பாருங்கள் அதில் “பார்ஷியலி ஹைட்ரஜனேட்டட் வெஜிடபிள் ஆயில்” என்று இருந்தால் அது அதிக ட்ரான்ஸ் கொழுப்பு கொண்டது. ஆரோக்கியமான எண்ணெய்க்கு மாறிடுவீர்.

ஒமேகா-3 கொழுப்பு அமிலம் அதிக அளவில் சேர்த்துக்கொள்ளவும். இவை நேரடியாக LDL அளவை குறைக்கும் வேலையை செய்யாவிட்டாலும், இதயத்திற்கு நன்மை செய்யும்.இரத்த அழுத்தம் குறைய உதவிடும். வால்நட் மற்றும் ஆளிவிதையில் அதிகம் உண்டு. நீங்கள் அசைவம் சாப்பிடுபவர் என்றால் பல வகை மீன்கள் ஒமேகா-3 கொண்டவை.

கரையும் நார்சத்து கொண்ட உணவுகளை அதிகம் எடுத்து கொள்ள வேண்டும். இது ஆப்பிள், பேரிக்காய், பீன்ஸ், ஓட்ஸ் ஆகியவற்றில் உண்டு. இவை இரத்தத்தில் கலந்து விடும் கொழுப்பின் அளவினைக்குறைக்கும்.

மோர் புரதத்தை அதிகமாக எடுத்து கொள்ள வேண்டும்.

புகை பிடிப்பதையும் மது அருந்துவதையும் நிறுத்த வேண்டும்.

புகைப்பதால் கேன்சர் வரும் அபாயம் அனைவரும் அறிந்ததே. அது நல்ல கொழூப்பினை(LDL) குறைத்திடும் என்பது அனைவரும் அறியாதது.
புகைப்பதை நிறுத்தினால் நல்ல கொழுப்பு அதிகமாவதோடு ,அது இரத்த ஓட்டத்தயும் அதிகரித்து இதயநோய் வருவதை அதிக அளவில் குறைக்கிறது.

சில ஆய்வு முடிவுகள் அளவான அளவில் மது அருந்துவது HDL அளவினை அதிகரிக்கிறது என்கின்றன. அதே நேரம் இதன் பலன்கள் மது அருந்தாதவர்களையம் அருந்தச்சொல்லுமளவிற்கு வலுவானதாக இல்லை. நீங்கள் மது அருந்துவீர்களானால் அது அளவுக்குள் இருக்கட்டும்.

தினமும் உடற்பயிற்சி செய்யுங்கள்

உடற்பயிற்சி LDL அளவினைக்குறைத்து HDL அளவினை அதிகரிக்கும். மெதுவாகத் துவங்கி படிப்படியாக வாரம் ஒன்றிற்கு 30 நிமிடம் செய்யும் நிலைக்கு செல்லவும். உங்களுக்கு ஏதாவது மருத்துவ சிகிச்சை நடந்திரூந்து அது உங்களின் பயிற்சி செய்யும் திறனை பாதித்தது என்றால் உடல் பயிற்சி டாக்டரை அணுகி ஆலோசனை பெற்றிடுங்கள். தினசரி சுறுசுறுப்பான நடைப்பயிற்சி, சைக்கிள் ஓட்டுதல் அல்லது விளையாடுதல் எல்லாமே உடற்பயிற்சி தான். லிஃப்ட் க்கு பதில் படிக்கட்டுகளில் நடந்து செல்ல வேண்டும். உடல் எடை குறைவதும் கொழுப்பின் அளவினைக் குறைக்கும். சர்க்கரை, நொறுக்கு தீனி மற்றும் பாட்டில் குளிர் பானங்கள் எடுத்து கொள்ளும் அளவினைக்குறைத்து உடற்பயிற்சியும் செய்தால் உடல் எடை குறையும்.

இவை எல்லாம் உங்கள் கெட்ட கொழுப்பை குறைக்கும் பாதுகாப்பான வழிகள். இது போன்ற வாழ்க்கை முறை மாற்றங்கள் செய்வதற்கு முன்பு மருத்துவரை கலந்தாலோசிப்பது நல்லது. அது இவற்றில் இருந்து அதிக பலன் கிடைத்திட வழிசெய்யும்.

Leave a Reply

This site uses Akismet to reduce spam. Learn how your comment data is processed.

%d bloggers like this: