சுரைக்காயை வைத்து செய்யப்படும் இந்த ரெசிபியில் ஏராளமான சத்துக்கள் அடங்கியுள்ளது. இதுள்ள நார்ச்சத்து நமது சீரண மண்டலத்தை சீராக இயக்க உதவுகிறது. குறைந்த கொழுப்பு சத்து கொண்டு இருப்பதால் உங்கள் விரத கடைப்பிடிப்பிற்கு இது ஒரு சிறந்த உணவாகும்.

சரி வாங்க ரெசிபியை எப்படி செய்வது என்பதை காணலாம்.

செய்முறை படத்துடன் விளக்கம் – சுரைக்காய் பாயாசம் ரெசிபி செய்வது எப்படி

1. முழு சுரைக்காயை பாதியாக வெட்டி தோலுரித்து கொள்ள வேண்டும். பிறகு சீவுகின்ற கருவியை கொண்டு அதை நைசாக துருவிக் கொள்ள வேண்டும்.

2. அடுப்பில் ஒரு பாத்திரத்தை வைத்து தண்ணீரை சூடுபடுத்த வேண்டும்.

3. இப்பொழுது துருவிய சுரைக்காயை அதில் போட்டு 2-3 நிமிடங்கள் சூடு படுத்த வேண்டும்.

4. பிறகு தண்ணீரை வடிகட்டி விட்டு சுரைக்காயை தனியாக எடுத்து வைக்கவும்.

5. அடுப்பில் சூடான கடாயில் பால் ஊற்றி கொதிக்க விட வேண்டும்.

6. அதே நேரத்தில் அடுப்பில் மற்றொரு பாத்திரத்தை வைத்து நெய் ஊற்றவும்.

7. இப்பொழுது உடைத்த முந்திரி பருப்பை போட்டு பொன்னிறமாக வரும் வரை வறுக்க வேண்டும்.

8. அதனுடன் வடிகட்டி வைத்த சுரைக்காயை போட்டு நன்றாக கிளறவும்.

9. பால் நன்றாக கொதித்ததும் அடுப்பில் உள்ள சுரைக்காய் பாத்திரத்தில் அதை எடுத்து ஊற்றவும்.

10. 5-6 நிமிடங்கள் சமைக்க வேண்டும்.

11. சர்க்கரையை சேர்த்து அது முழுமையாக கரையும் வரை சமைக்க வேண்டும்.

12. பிறகு அதனுடன் ஏலக்காய் பொடி மற்றும் கெவரா எஸன்ஸ் போன்றவற்றை சேர்க்க வேண்டும்.

13. நன்றாக கலக்கி அடுப்பை அணைத்து விடவும்

14. பரிமாறும் கப்பிற்கு மாற்றி பரிமாறவும்.